عبور ثقافية جامعة
الجرح اللي مايقتل يداوا ويبرا
وما جرح المحبة راني موالف بيه
كليت وشربت من الحلوة ولمرة
أح على هاذ الراس وماداز عليه
بعد الخاوة ولصحاب بالمئات والعشرة
من غير ربي حتى واحد مانشكي ليه
سلكنا طرقان السهل وطرقان وعرة
طريقي بعيدة ومزال اللي فلمكتاب نأديه
خليني من لي كايخرف هاديك غير هدرة
ولي مجرب من لواجب تسمع ليه
شحال من واحد غي بفمو داير شهرة
وهو ماجرب ومادگو شوك في رجليه
الي ماجال فهاذ الدنيا وتعب وجرا
يجي نهار گاع الي ضحكو يبكيه
ولي ماجاع وعطش وتعرا
ماعرف بحق الرجال غي خليه
27 سنة تجربة ومزال نقرا
ولي دازت على الراس زادت فيه.
