عبور ثقافية جامعة
اللِيلْ عْيَـا اُو حطْ رْحَالو
برْنُوصُو الظلامْ، مَا يْوَاتِيهْ
فْبِيرْ اعْمَاقِي…تِيهَانِي
نْهِيمْ ، نْهِيمْ ..فْ الصّمْتْ سْرَايَا
الكمْرة بلْسمْ سْمَايَا
نوْشمْ ع لوْشامْ ،
وْشامْ سْمَاكْ العطْشَانة
نبْنِـينِي ، نهْدمْنِي
لاَ بنْيَان رْصِينْ دَوَا دَايَا
وحْشْ..حْنِينْ..حَارْ
على نْدُوبِي حرَّاقْ
اِيعَاتبْنِي، اِيونّسْ رْجَايَا
عْدرْتكْ…غْدرْتكْ
هجْرَانِي عْلِيكْ جَارْ
مَاشِي جَارْ،جْوَارُو، يْدَارِي بْلَايَا
سجَّانْ لهْوَا والضِّيمْ….صْفَادكْ شَاختْ
اُو شَاخْ مْعَـــهَا الانتِظارْ
النسْيانْ علّــة ،ولّا فْنــَارْ
لشْوَاقْ على صهْوة ليَّامْ.. رسْمتْ مْـــرَايَا
نصْبتْهَا ..تهزْهَا نــوْ لخْوَاطرْ
تكدّرْ رِيحْ لمْــعَانِي صْفَـــايَا
