عبور ثقافية جامعة
كاين فالدنيا لي هازجبال على ظهرو
صابر ما يتكلم
ربي لي مطالع عليه وعالم
بكثرة صبرو صار معلم
غاب نعاسو
يرعى النجوم السارحة
يطل عل النخلة
يحكي لها قصة
وكاين لي ساد على راسو
يبيع الذهب
يواري نحاسو
عبروه
فهمو قياسو
وكاين لي حطموه فلبير لاحوه
وحداني
حسبوه براني
يتكلم بلحكمة يصرفها نور
وكاين لي ما يتحطم ولو يقهروه
الله مقوّيه وناصرو
كل واحد حامل بذرة في صدرو
فيها سرار ضوات حياتو
يبيع يشري مع الحيين
ماشي معا لي ماتو
خايف من شباح الشتا
وربيع العمر الراحل
وكاين لي فزمان غاب
الدنيا قصاتو
مشا بعيد حتى فضحاتو
تمزق قلبو
روحو كرهاتو
تلف عل الطريق فلهم رماتو
لا تّيق فالدنيا
شحال من واحد بلعاتو
ضحكت عليه مشات وخلاتو
يسمع لصوتو فزحام الطير
أو مازال يحلم
أو مزال يحلم .
